Nos kada un tin un trabou pa hasi pa e Maestro. Kada dia nos lo avansá den karakter Kristian, ku Dios Su yudansa, sperando i probechando oportunidatnan pa hasi e boluntat i trabou di Dios.

Ku bista fiho riba Hesus, nos lo resa tur dia di nobo pa boutismo di Su Santu Spiritu pa moldia i forma nos i usa nos pa salbashon di otronan tambe, hòmber, muhé, i mucha.

• Ser un medio di kresementu spiritual i desaroyo personal ku ta pèrmití kada esposa di lider ehersé su papel di esposa di pastor, di ansiano òf di diákono ku alegria.

• Ser un medio pa rekonosé i apresiá e trabou silensioso ku nan ta hasi na fabor di iglesia.

• Ser un medio pa kompartí i enfrentá ku eksito kada inkietut, desafio i ekspektativa ku iglesia tin di nan ministerio na banda di e hòmber yamá di Dios.

• Ser un medio pa sera lasonan di amistat i apoyo ku e otro kompañeranan den mes un enkargo.

• Ser un medio pa kompartí mas i mihó entrenamentu ku ta kapasitá kada un traha komo tim huntu ku nan kasá.

• Ser un medio dor di kua nan por risibí yudansa i orientashon pa kultivá un relashon será i duradero di pareha.

• Ser un medio dor di kua e yunan di pastor ta siña disfrutá di e privilegio di pertenesé na un famia ministerial konsagrá na e sirbishi di Señor.

• Proveé oportunidat pa e yunan di pastor por relashoná ku otro yunan di pastor di nos kampo di Aruba, Bonaire i Curaçao dor di kongresonan, kampamentunan, retironan i envolukrá nan tambe den e vishon i mishon, pa komo un ehèrsito bon entrená, desididu i gososo nos tur marcha semper padilanti, sirbiendo ku amor, RUMBO PA KAS!