Nan mester ta konstruktivo, relevante, útil pa yuda esposanan di pastor, esposa di ansiano, esposa di diákono i yunan di pastor, reflehando nan interesnan, desafionan, bendishonnan, etc.

No ta aseptá artíkulo ku ta reflehá agènda personal, ku ta kritiká hende òf organisashon, ku ta bai den debatenan grandi di teologia, òf ta dekriminá diferensianan di estilo di kultura.

Preferibel manda e artíkulonan na idioma Papiamentu, pero si mand’é na otro idioma, ta buska hende pa tradusié.

Largura di e artíkulonan por ta di un blachi òf dos di tamaño karta.

Tur artíkulo mester ta aden promé ku dia 10 di e PROME luna di e semester.  Meta ta pa saka e revista fin di e segundo luna di semèster.

Inkluí un biografia chikí di bo nòmber, ken bo ta, ki enkargo bo tin, di kua misa.

Segun e époka di aña, segun e situashon reinando den e pais òf rònt mundu, i segun nesesidat di e kuater gruponan di enfoke, e tema pa kada revista lo varia. Nan por trata temanan manera:

• Bida den famia.
• Formanan pa enrikesé bida devoshonal.
• Kria yu komo lider.
• Atendé ku krítika.
• Devoshonalnan riba temanan bíbliko.
• Milagernan ku Señor a hasi den bo bida.
• Kuido di salú mental.
• Perseveransia.
• “Rekordá Ta Pa Biba Atrobe”.
• Sirbi manera Hesus.
• Gradisimentu.
• Spiritu Santu
• Nos Salú
• Angelnan di Dios i nan ministerio na nos fabor.
• Unidat.
• Balor di kosnan chikitu.
• Ora herfst di bida dal aden.
• Promesanan di Beibel
• Rumbo Pa Kas